Wizja 2010 r.
Dodane przez Jan Majowski dnia 14.04.2012 09:52

---

Było to w sobota
dziesiątego kwietnia,
przy śniadanu w kuchni
godom swojej ślubnej.
Posłuchej Joanno
jako żech mioł wizja,
ło czworty nad ranem
byłem w innym kraju.
Dreptoł żech po grobach
kurzu było pełno,
doszed do mnie karlus
grysnoł pacia podoł.
Łoba my szukali
kogoś fest ważnego,
tak choć by cesorza
może i Papieża.
Siedem metrów łodnos
jakoś szwarno dziołszka,
swoje długie kudły
bez płaczek chajała.
Coś fandzoloł isny
jo go niy rozumioł,
potym mi pokozoł
splaszczono komórka.
A ta czorno glizda
tyż macała kopce,
mantel jej sie wocoł
po hasioku mokrym.
Charloł jak tuberlok
kicholym oddychoł,
a charboły gorkie
jakby był fojermon.
Co ty na to powiys
pytom sie aniołka,
ramionskoma mrugła
sibła drugo kromka.
Kuknoł żech w internet
na blok Palikota,
dychu mi chycioło
jakby rabnoł seta.
Leca zaś do kuchni
gospodyni pedziec,
że samolot poolski
kopci pod Smoleńskim.
To co jo wom śpiywom
niy ma w tym cygaństwa,
juz mie jedna wizja
łodwioedzioła baśka.


Lublin, 10.04.2010 r. "Hanik" Jan Majowski